NEKG - Нижегородский эсперанто клуб "ЛИДЕР"

La Espero

En la mondon venis nova sento,
Tra la mondo iras forta voko;
Per flugiloj de facila vento
Nun de loko flugu ghi al loko.
Ne al glavo sangon soifanta
Ghi la homan tiras familion;
Al la mond' eterne militanta
Ghi promesas sanktan harmonion.

Sub la sankta signo de l'espero,
Kolektighas pacaj batalantoj,
Kaj rapide kreskas la afero
Per laboro de la esperantoj.
Forte staras muroj de miljaroj
Inter la popoloj dividitaj,
Sed dissaltos la obstinaj baroj
Per la sankta amo disbatitaj.

Sur neuhtrala lingva fundamento,
Komprenante unu la alian
La popoloj faros en konsento
Unu grandan rondon familian.
Nia diligenta kolegaro
En laboro paca ne lacighos,
Ghis la bela songho de l'homaro
Por eterna ben' efektivighos.

L.L.Zamenhof
Опубликовано - 26.09.2000 г.
Copyright © 2000; Site creation by Darhan